” بلاش أنا”.. محامي كهربا يفضح مرتضى منصور.. وعبد الله السعيد يظهر

حرص أشرف عبدالعزيز، محامي محمود عبدالمنعم كهربا، لاعب الفريق الأول لكرة القدم بالنادي الأهلي، الرد على المستشار مرتضى منصور رئيس مجلس إدارة نادي الزمالك المعزول من منصبه.

ورد عبدالعزيز على تصريحات مرتضى منصور على حسابه الشخصي على موقع التواصل الإجتماعي فيسبوك، مؤكدًا أنه لا يجوز له كمحامي بفتش أسرار موكليه.

وكتب محامي كهربا:” القضية اللي انت بتتكلم عليها انا مش هاقول الاسماء عشان انا محامي أعرف أصول مهنتي (أتعلمنا كده في أولى حقوق) أن ده اسرار موكلين لا يجوز ابداً اني ارد عليك علي السوشيال ميديا بس انا كسبتها منك وانت اللي كلمتني عشان الصلح انت فاهم طبعاً وبعدين انا ذهبت لبيتك وليس مكتبك بناء علي رغبة رجل كبير في السن خائف ينزل عشان كورونا وموكلي خد حقه كاملاً”.

وتابع:”بخصوص عبدالله السعيد انت أستلمت فلوس النادي في اتحاد الكرة فلا يعتبر صفقة لأن عبدالله لم يقيد في الزمالك ولا انت قيدته واحنا منعرفش هي (صورة فقط) وعلى فكرة انت قدمت شكوى وبلاغ ضده وصدر قرار من النيابة العامة بحفظ شكواكم”.

وأشار:”بخصوص صفقة القرن (كهربا) انت بنفسك بتقول انك أعارته بثلاثة ملايين دولار وخمسمائة ألف دولار في عام واحد والحكم باثنان مليون دولار واربعمائة الف يعني أقل من عام أعارة ولا تنسي انت كنت طالب من المحكمة الرياضية مبلغ تسعة ملايين يورو وبعدين انت محضرتش القضية انت كنت منسق مع المحامي الايطالي زي بالضبط منسق مع المحامي التونسي ولا الكلام ده غلط اه أسف (انت كنت بتاخذ معلوماتك من اعلامي زي م انت قلت) فبلاش دغدغة مشاعر جماهير الكرة .. حرام”.

وأتم:”وإن عدتم عدنا بمحاضر الجلسات طبعاً انت فاهم معهليش – اه بالمناسبة انا محامي لا يسعي للشهرة لاني مش محتاج الكلام ده خالص وانت عارف كده كويس بلاش – أنا – اه أخر حاجه – كيد النساء اللي انت بتقوله – ده انا معرفوش انا بنفذ كلامي وانتظرني في فيديو في خلال ٤٨ ساعه بس افضي لك عشان مشغول جداً بمهنتي المحاماه وأكشف لمصر كلها الحقيقة كاملة ومش هخليها ابداً أهلي وزمالك ؟ لا هخليها رجل لرجل او محامي أمام محامي مع تحياتي”.