تصريحات نارية من عدلى القيعى وصدام مع اتحاد الكرة

تصريحات نارية من عدلى القيعى وصدام مع اتحاد الكرة

المشاركه المهينه  لمنتخب مصر التاني  في كاس العرب   وتأمر وتخاذل اتحاد ابو ريده ومجاهد والرابطه

أبراهيم المنيسي يبدو ان الأحوال من سئ الي اسوء في الكره المصريه ؟ وفعلا المهندس عدلي القيعي اختار افصل توصيف وحسمها اما قال  الكره ملهاش صاحب ولا كبير
عـدلـي القـيـعي
هو أنا أما أجي أتكلم عن الكوره في مصر
فعلا هتلاقي ان الكوره ملهاش صاحب !؟
يعني أما تشوف المسئولين بيطلعوا يتكلموا ونشوف ما بحدث علي ارض الواقع  هتكون الاجابه ان الكوره ملهاش صاحب
ما يحدث في قطر من مشاركه غريبه وسيئه  حتي الان من المنتخب التاني هو امر لا يحدث في أي دولة في العالم حتى لو كانت تلك الدولة حديثة العهد في كرة القدم
‏
هو هل يعقل أن أنت عندك منتخبين مفيش حد ادري يفرض كل منتخب ياخذ مين وميخدش مين !!؟
‏
يعني منطقي ان أعتبر الأولوية للمنتخب الأول لو المسؤول اللي بدير الكورة ؟ أروح للاجهزة الفنية قبلها بأسبوع وأقول لهم أنا عايز الأسماء لو في لعيبة مش هيروح المنتخب الأول أتوماتيك المفروض أنهم الاثنين المنتخب الثاني. وكل ده حق المنتخب اللي بيشرب في كأس العرب وفي المنتخب الأول مصر

هل يعقل ان في لعيبه متاحه متسافرش ؟ أنت تشارك بالصف الثالث ولا ايه  إزاي الراجل يقعد بقالو كم شهر بيدرب في لعيبه معينة وييجي في الآخر ما يسافروش معاه  وبدل ما ندعمه باللعيبه اللي مش حتسافر مع المنتخب الأول نحرمهم منهم ؟؟ وهل يعقل انك تشعر ان رئيس الاتحاد سعيد بالخلافات العلنيه الغريبه بين الاجهزه الفنيه في المنتخبين
‏
ماشي مفيش خلاف إن المنتخب الأول هو الأولوية وكاس الأم هي الأولوية ولكن لازم كان يبقى في تنسيق لازم يبقى في خوف على مصلحة الكرة المصرية من كل الأطراف. لازم الناس دي تراعي مشاعر 100 مليون مصري بيضايقوا ويحزنوا اما فريقهم بيخسر والمسئول مش فارق معاه
غير تصريحات المسؤولين الغريبة واللي تحس فعلا أن كل واحد فيهم يملك الكرة المصرية ؟؟
‏كل واحد يطلع يتكلم يقول لك أنا بدخل هنا وأنا بحل هنا وأنا بتصرف هنا وأنا بخلص هنا
أنت ايه ؟؟ أنت المفروض ترسم خطط واستراتيجيه ولكن ملكش دور تنفيذي ! وملكش سلطه علي الاجهزه التنفيذيه ؟،
انت عندك مفيش حاجه ليها استقلاليه وانت الدوله الوحيده في العالم اللي لجنه الحكام مش مستقله وقرارتها مش من دماغها تسمع تصريحات  احمد مجاهد  وهو بيتكلم عن أمور التحكيم واداره الحكام وكانّه بيعترف انه بيحرك الأمور كلها وبدون منصب رسمي ؟؟
احنا فين من التنظيم الكروي والفكر المميز اللي ساعدنا اننا اول اتحاد تم إنشاءه في القاره وأوجدنا الاتحاد الأفريقي وساعدنا في تاسيس ونهضه الاتحاد العربي
كل اللي بيحصل على الساحة لا يليق باسم سمعة الكرة المصرية
‏أنا كمواطن مصري حزين جدا على الكرة المصريه وعايز حد يجاوبنى اكلم فين اكلم مين في مصر عشان الكورة المصريه
يعني رئيس اتحاد الكورة والمؤثر من الباطن أحمد مجاهد  طلعوا اتكلموا مفيش حد منهم طمنا علي الكوره المصريه ؟ بالعكس
السيد هاني ابو ريده طالع بيقول أنا مسئول عن المنتخبات المصرية؟ ودي كلمه أصلا تدل انك مش مسئول
هي فين المنتخبات يا بشمهندس !؟
كلمني عن نتايج منتخبات الناشئين والشباب ؟ فهمني ازاي المنتخب التاني ظهر بالمظهر ده وكيف سافر بدون لاعبين متاحه وقاعده في مصر واحنا في قطر ناقصين خبرات وامكانيات الاعبين دول
يا جماعه حتي احمد مجاهد كان بيتكلم عن الرابطه  تشعر ان في تار وعد اوه بينه وبين رئيس الرابطه ، ومش عارف يخبي اللي جواه وبياكد ان اغراضهم اهم من اي حاجه ؟ وكأن كل واحد منهم يمتلك مكانه او منصبه ده اهم من مصلحه وسمعه الكره المصريه ! مع انهم مش عارفين ينحوا خلافاتهم الداخليه ومشغلينها علي حساب مصلحه الكره المصريه ؟؟
هذا وضع لا يمكن السكوت عليه ؟؟ ولابد ان الناس تفوق ؟؟ ما يحدث مخزي ومهين للكره المصريه ؟؟؟ حتي لو تحققت نتايخ فهي وليده الصدفه والحماس من لعيبه ؟ وليس نتيجه تخطيط وشغل وأمانه ونزاهة ؟؟
لازم الكل يفوق وليس قبل فوات الأوان { لان الأوان قد فات } والمهندس هاني ابو ريده أخ وصديق قديم  ولكن مصلحه الكره المصريه اهم مني ومنك .. ولازم انك واي مسئول تعملتا زي المغرب و شوف يعني ايه وإزاي اما يكون رئيس الاتحاد مسئول بجد عن المنتخبات الوطنيه وايه النتايج ،، ولابد ان تحب مصر اكتر من نفسك وصحابك وحبايبك ، وأي حل عدا ذلك فالعواقب ستكون “وخيمة” على الكره المصريه و كل المسؤولين