هأذيك في الملعب».. كيف علّق حسام غالي وحازم إمام على تصرف رمضان صبحي؟

28 فبراير، 2026

0 130 2 دقائق

علّق حسام غالي وحازم إمام نجما الأهلي والزمالك السابقان، على تصرف رمضان صبحي خلال إحدى المباريات التي جمعت بين القطبين.

وقال حسام غالي في تصريحات عبر إذاعة «أون سبورت»: «أنا أنبت رمضان صبحي مش علشان وقف على الكرة قدام الزمالك، ولكن علشان حاجه تانية خالص».

أضاف: «أنا قولتله أول مرة ميصحش ومينفعش تعمل كده وتخسر الجمهورين، وخليك لعيب للناس كلها مش لازم تتضايق جمهور الخصم علشان تبقى أنت نجم».

تابع: «المرة الثانية كنا احنا كسبانين الزمالك 3-1، وكنا مستحوذين وبدأ لاعيبة الزمالك تتنرفز على بعض وكنا ممكن نجيب أهداف تانية.

ولكن موقف رمضان ده وقف الماتش ورجع الزمالك للمباراة، وبدأ يشعر اللاعيبة إن ده استهزاء بهم، وده رجعهم للماتش تاني، فأنا قولت لرمضان ليه كده بقى.. احنا الماتش خلاص ومش ناقص أي كهربا وترجعهم للماتش تاني».

بينما وجه حازم إمام سؤال لـ غالي قائلا: «لو أنا وأنت بنلعب في الملعب ووقفت على الكرة كنت هتيجي تتخانق وتحسن إنها تقليل منك؟».

ليرد حسام غالي قائلا: «لا لا خالص، عادي أنت حر.. بس هأذيك في الملعب».

يأتي هذا التعليق من جانب ثنائي الكرة المصرية، على واقعة رمضان صبحي الشهيرة، حينما كان يلعب مع النادي الأهلي، إذ وقف على الكرة أمام الزمالك مرتين، إحداهما في السوبر المصري عام 2015، وقبلها في مباراة القمة بالدوري من العام ذاته.