مجدى عبد الغنى يهاجم احمد شوبير..عرفنا خلاص مي مصدرك داخل النادى الاهلى
أكد مجدي عبد الغني، نجم الكرة المصرية السابق، أنه علق على أزمة إمام عاشور، لاعب خط وسط الفريق الأول لكرة القدم بالنادي الأهلي، وتخلفه عن السفر مع بعثة الفريق إلى تنزانيا لخوض مباراة يانج أفريكانز التنزاني، بناء على تصريحات الإعلامي أحمد شوبير، عبر صفحته على "فيس بوك"
وقال مجدي عبد الغني، في تصريحات تلفزيونية عبر قناة "الشمس": "أنا علقت على أزمة إمام عاشور، بناء على تصريحات الكابتن أحمد شوبير، لأن هو ليه عيون جوه النادي الأهلي، وعارف إمتى بيتخانقوا وإمتى بيتصالحوا".
وأضاف: "لأن طبعًا مصطفى شوبير، موجود وسط اللعيبة مش ممكن يروح البيت ميقولش لأبوه ده اتخانقوا مع بعض وده صالحوا بعض، فبيبقى عنده الأخبار".
وكان مجدى عبد الغنى قد دافع عن إمام عاشور، لاعب خط وسط الفريق الأول لكرة القدم بالنادي الأهلي، بعد أزمته الأخيرة وتخلفه عن السفر مع بعثة الأهلي إلى تنزانيا، لخوض مباراة يانج أفريكانز التنزاني.
وقال مجدي عبد الغني، في تصريحات تلفزيونية فضائية "الشمس": "سبب زعل إمام، هو الجهاز الفني للأهلي، وللأسف الناس بررت النقطة دي غلط، الكابتن أحمد شوبير، قال إن الجهاز الفني للأهلي كان محضر 3 لاعبين يشوطوا ضربة الجزاء، أول واحد إمام عاشور، تاني واحد زيزو وتالت واحد تريزيجيه، لكن الجهاز هيحدد مين اللي يشوط خلال المباراة".
وأضاف: "في مباراة وادي دجلة، احتسبت ركلة جزاء للنادي الأهلي، إمام عاشور، وضع طبيعي جدًا، راح يمسك الكورة، زي ما أنا في أي ماتش يتقال إني رقم واحد أول ما بتيجي ضربة الجزاء بمسك الكورة".
وأضاف: "95% الأهلي بيجيله ضربات جزاء، مفيش حاجة اسمها إني أخلي الفرقة تنزل أول تيجي ضربة جزاء أقول أثناء المباراة مين اللي يشوط، مفروض إنت قولت خلاص في المحاضرة"
