مش بسلم عليه وأذى الزمالك”.. جمال العدل يهاجم محمود الخطيب

24 فبراير، 2026

0 0 دقيقة واحدة

وجه المنتج الفني والمعروف بتشجيعه لنادي الزمالك، جمال العدل، رسالة، بشأن الخطيب">محمود الخطيب، رئيس النادي الأهلي.

وقال جمال العدل في تصريحات عبر قناة "النهار": "محمود الخطيب؟ كنت بحبه، لكن مبقتش أحبه".

وأضاف: "الخطيب عادى جمهور الزمالك عشان زيزو (إنه اخد لاعب من الزمالك)، ومش بسلم عليه أشوفه في مكان. آذانا جدًا وبلا سبب، زيزو معملش حاجة في الأهلي، أنت ليه بتستعدي جماهير الزمالك؟!".

وأكمل: "الخطيب أذى واستعدى جماهير الزمالك. الرياضة فيها نبل. صالح سليم كدة، وكمال درويش قال لحسام وإبراهيم حسن لما جم الزمالك، لو عايزين ترجعوا أرجعكم".

وتابع: "الخطيب كان بيعمل كدة مع حسن حمدي لكن في الأواخر مش عارف ده (بسبب السوشيال ميديا)، أنا كنت بحبه وجماهير الزمالك كانت بتحبه. اللي عمله خسره كل جمهور الزمالك أول على الأقل أغلبه".