عاجل وان سايد جيم عادل مصطفي
تحدث عادل مصطفي مدرب الفريق الأول لكرة القدم بالنادي الأهلي بعد فوز الشياطين الحمر ببطولة كاس السوبر
وعلى ملعب محمد بن زايد استطاع النادي الأهلي تحقيق فوز كبير علي نادي الزمالك بهدفين نظيفين سجلهما أشرف بن شرقي ومروان عطية ليتوج باللقب رقم 16 من بطولة السوبر المصري في أبو ظبي ليكتسح الزمالك بهدفين نظيفين.
وفي تصريحات عبر قناة أبو ظبي الرياضية تحدث عادل مصطفي وقال " هاخد من اول كلامك كابتن عماد النحاس ادي مباريات كويسة جدا وعمل اللي عليه في الماتشات وبعدين جيه مستر ييس توروب بدئنا افريقيا كويس ممكن يكون في تعثر في الدوري شوية لكن في الماتشين كان في اداء كويس كان في ايجابيات كتير جدا فرص كتير بتضيع وعملت ارقام كويسة لكن النتيجة بتبان في المكسب".
وتابع " اللاعيبة كانت واثقة وعارفه بتعمل اية واحنا كجهاز مصدقين ان اللاعيبة كويس ومكنش في لود او ضغط عليهم الجمهور دايما عاوز يكسب ولكن دة طبيعي وسنة الحياة واتعودنا من جمهورنا لكن كنا شايفين اننا بنادي كويس ادينا في بتروجت والمصري لكن في مباراة سيراميكا كسبنا والنهاردة اداء كويس جدا واللاعيبة بتطور بشكل كويس جدا والتزام وروح اللاعيبة ف يالتمرين عاوزه تعمل احسن حاجة وكله جوا النظام انت ممكن تكسب بطولة ويبقي عندك خلل تكسب بالصدفة لكن في شغل ومنظومة واللاعيبة دي عندها حاجات افضل".
وعن التفوق علي نادي الزمالك كوان سايد جيم أوضح مصطفي "مش عاوز اقول ان النهاردة كانت وان سايد جيم احنا حاسين لفرقتنا مبحبش اقول وان سايد جيم واعمل لقطة احنا اخدنا الهدف من البطولة وباداء كويس احمد عبد الرؤوف مدرب شاطر جدا في مجال التدريب دايما المدرب بيتحاسب بنتايجه ممكن تكون عندك حاجة مش مناسبة للفرق اللي بتمسكها هو عنده كرة وفكر كويس ادي مباراة الجيش بشكل كويس ومباراة بيراميدز والنهاردة كان بيحاول يعمل حاجة كويسة".
كأس العالم لكرة القدم 2026
من 11 يونيو إلى 19 يوليو
