هاجم أحمد سليمان عضو مجلس إدارة نادي الزمالك، التصريحات المنسوبة إلى بعض مسؤولي الأندية، عن رصد مكافآت خاصة للاعبين حال الفوز في المرحلة الحاسمة من بطولة الدوري، مشيرًا إلى نادي الزمالك يتعرض لحملة قوية خلال الفترة الحالية.
وقال سليمان خلال مداخلة هاتفية مع الإعلامي مهيب عبدالهادي: “بص يا كابتن مهيب، احنا اتكلمنا عن الدوري قبل كدا وقلنا هيبقى في صراع في لعب الفرق أمام بعضها، وتداولت الأيام اللي فاتت ظاهرة أزعجتني أنا شخصيًا وهي أنه بيطلع على لسان رؤساء أندية على السوشيال ميديا أخبار عن رصد مكآفات خاصة خارج اللائحة لو عملوا نتائج إيجابية مع الفرق المنافسة على الأول والثاني والثالث”.
وأضاف: “هناخد مثال المجموعة الأولى والمنافسة فيها بقت بين الأهلي والزمالك وبيراميدز يعني دا الأول والثاني والثالث مينفعش النهارده اللعب النظيف إني اسمع رجل أعمال واقف في الاستاد يقول أنا هعمل مسابقة لو الفرق دي كسبت النادي”.
وواصل: “مينفعش بعض الإعلاميين يتكلموا بلسان رئيس نادي لو فريقي كسب هطلعله مليون جنيه، لو الكلام دا فعلا بينتسب للناس دي المفروض تطلع ترد، أنا أحمد سليمان متداول على لساني كلام لأ دي حاجة صعبة جدا مشوفتهاش”.
وأكمل: “الدوري قوي جدا ومحترم وفي منافسة لآخر دقيقة سواء على حصد اللقب أو المشاركة في أفريقيا كله المفروض يطلع ينكر، دا في راجل أعمال وقف في ملعب قال هدي الفرقة دي فلوس كذا.. في لائحة واللائحة بتطبق لكل الناس، النهارده بنسمع كلام مليون وغيره لو عمل نتيجة إيجابية”.
وأتم: “إحنا فاضل 15 يوم على الدوري كل يوم هنتكلم في الموضوع دا، لأ لازم الناس تطلع ترد، المفروض اتحاد الكرة والرابطة تطلع تحط حد لأن دا الدوري بتاعهم، الموضوع دا مش مظبوط يا جماعة، احنا ناس كبار ومسؤولين عشان الدوري يبقى محترم وينتهي بشكل محترم لازم يبقى في نزاهة.. نادي الزمالك بيتعرض لحملة صعبة خلال الأيام دي”.
نادي الزمالك
النادي الأهلي
5 غيابات تضرب الزمالك أمام اتحاد العاصمة 3منهم أسماء مدوية
“رهان العمر.. معتمد جمال يتحدى الجميع بـ ‘خليفة شيكابالا’ المنتظر
لم تشفع له الأهداف ولا الهتافات.. معتمد جمال يطيح بـ “هداف” الزمالك في قرار هز أركان القلعة البيضاء.قبل مواجهة اتحاد العاصمة
القناة الجزائرية تحسم موقفها النهائي من إذاعة ملحمة الزمالك واتحاد العاصمة
