رسالة نارية من رضا عبدالعال..عملي بلوك.. وعيب يقولي كده
كشف رضا عبدالعال، نجم الكرة المصرية السابق، عن سر خلافه مع حسام حسن المدير الفني لمنتخب مصر.
وكان حسام حسن تقدم بشكوى ضد رضا عبدالعال لـ المجلس الأعلى للإعلام، بسبب تجاوزات الأخير في حق التوأم حسام وإبراهيم حسن.
وقال رضا عبدالعال في تصريحات لبودكاست «ارفعها لروقا»: «كنت في البداية بنصح حسام حسن، هوى اتمنظر عليا، كان في كلام بيني وبينه على الواتساب وقولتله في أول تجمع ليه مينفعش تقول كلام وتعمل عكسه لإنه مأخدش فتوح وخد كوكا اللي كان مصاب وقتها».
وأضاف: «رد عليا قالي كوكا هو الموهبة، قولتله ساعتها لما يلعب أبقى خده لكنه كان مصاب، فمتعملش حاجة تتحسب عليك، قالي بكرة لما تبقى مدرب هتعرف أنا ليه خدت كوكا».
وتابع رضا عبدالعال: «عيب تقولي لما تبقى مدرب، أنا اشتغلت مدرب وخدت دراسات هو مخدهاش، قولتله إنت بتقلل مني يا حسام ولا إية!، مردش عليا، وبعدين عملي بلوك».
كأس العالم لكرة القدم 2026
من 11 يونيو إلى 19 يوليو
