علق أحمد حسام "ميدو"، على تصريحات الإعلامي مهيب عبدالهادي، حول طلب تفعيل برشلونة عقد شراء اللاعب المصري حمزة عبدالكريم من النادي الأهلي.
كان قد قال مهيب في تصريحات تلفزيونية إن الضجة المصاحبة لحمزة مبالغ فيها، معربًا عن استغرابه من حجم الاهتمام الإعلامي باللاعب الشاب، مضيفًا: “مش عاوزين نضخم الأمور أوي، وعندي ملحوظة على حمزة علاء يعني، مش فاهم كل الأخبار عن حمزة علاء، وحمزة علاء هو اللي واخد الأخبار النهاردة، سوري، حمزة عبد الكريم، أهو أنا غلطت في الاسم لأني معرفوش وعلى فكرة أنا مغلطتش، أنا قاصد أقول كده”.
وتابع : “هو راح برشلونة؟ أيوة خير؟ راح شباب برشلونة؟ وإيه يعني؟، أنا مشوفتش حاجة لحمزة عبد الكريم، جاب جول في ماتشات رديف؟ إيه القصة؟ مين اللي قاصد يحط الضجة دي كلها عليه؟".
وفي هذا الإطار كتب ميدو عبر حسابه على منصة "إكس": "بصراحة مش فاهم ليه في ناس بتحاول تهد ثقة ولد مشروع مهاجم كبير زي حمزة عبدالكريم !!! ده شاب محتاج مننا كلنا أن أحنا ندعمه ونساعده".
وتابع:"لازم كلنا نبقى فرحانين بيه ونوصله الفرحة دي بدل مانقول ليه الدوشة اللي معمولة حواليه من غير داعي!! دوشة إيه؟ لاعيب مصري شاب خريج المنتخبات الوطنية".
وواصل:"برشلونة مقتنعين بيه ودفعوا فيه فلوس وهينضم لمعسكر الفريق الأول في فترة الإعداد بلاش إحنا مابنفهمش!! انتوا بتفهموا أكتر من برشلونة؟".
كأس العالم لكرة القدم 2026
من 11 يونيو إلى 19 يوليو
