علق علي لطفي حارس مرمى نادي زد ورجل مباراة فريقه أمام الأهلي، على التعادل 1-1 أمام الأهلي في الجولة العشرين من مسابقة الدوري المصري الممتاز.
وقال علي لطفي في تصريحات عبر قناة أون سبورت: « مباراة الأهلي كانت أفضل مبارياتي في الموسم الحالي.
وأضاف: « في أي وقت مع الفرق الكبيرة لازم تكون قلقان وبعد الهدف الضغط كله اتحول علينا والوضع كان صعب للغاية وبشكر اللاعبين على مجهودهم وبنحاول على قد ما نقدر اننا نخلي اللاعبين الصغار في السن يلعبوا بأفضل مستوياتهم ضد أي فريق.
وأشار علي لطفي: « بعد الهدف قولت إيه اللي جاب تريزيجيه للحتة دي، ولكن هو نصيبه يعني، وهو دا النادي الأهلي وتريزيجيه لاعب كبير وعلى طول بيلعب على المرمى كتير والحمد لله على كل حال.
وأتم: «أصعب كرة النهاردة جت عليا كانت كورة طاهر محمد طاهر ولكن الأصعب تسديدتا مروان عطية وإمام عاشور.
