مساعد جوزية السابق: لاعبي الأهلي عملوا مصيبة أمام صن داونز

فتح علاء ميهوب مدرب الأهلي السابق، النار على لاعبي الأهلي بعد الخسارة التاريخية أمام صن داونز، بخمسة أهداف مقابل هدفين، ضمن منافسات دور المجموعات لبطولة دوري أبطال إفريقيا.

وقال علاء ميهوب عبر قناة الأهلي: “اللي حصل انهاردة إهانة للنادي الأهلي، واللي يزعل يزعل، ده الحمدلله إني مكنتش في الموقف ده، كان ممكن يجرالي حاجة في الملعب”.

وتابع: “أصغر مشجع أهلاوي حاسس بإهانة، إزاي أقبل على نفسي يجي فيا جول والثاني والثالث وحالة استسلام منهم”.

وأضاف: “ده شكل لاعيبة حاسة إنها عملت مصيبة؟ اللاعب لازم يكون عارف إنه عمل يوم زفت في تاريخ النادي، لازم يعرفوا إيه هي قيمة النادي الأهلي، واللي عايز يمشي يمشي، أنا عايز راجل في الأهلي مش حريف كورة، حريف كورة مش هيلزمني، أنت قبل الأهلي ولا حاجة”.