الاهلى عملها قبلهم والزمالك مزودها شويتين..كريم حسن شحاته هؤلاء يتربصون بالاهلى والخطيب مدلع نجم الفريق وياريت الزمالك يعمل زيه

كشف الإعلامي كريم حسن شحاته فى تصريحات مثيرة بشان طريقة تعامل الاهلى مع كهربا ونجومه وردا ، على تصريحات محمد رمضان المدير الرياضي بالنادي الأهلي، بشأن تصريحاته الأخيرة والتي قال فيها إنه يعمل على تقويم اللاعبين وليس دبحهم.

وقال شحاته تصريح محمد رمضان كان بيتكلم فيه عن كهربا، ودي حاجة دلع، وكل زمن وليه الوقت بتاعه والشخصية والتعامل بتاعه، وأنا واحد من الناس كنت بتمنى يحصل معايا كدة، عمركم شوفتوا واحد ضيع فرصة اتخصم منه 5 ألاف جنيه، وعلى قلبي زي العسل».

وأكمل شحاته : «طريقة التعامل مع كهربا كانت ممتازة، كلنا بنغلط وتحديدًا اللاعبين بيتحطوا تحت ضغط جماهيري ونفسي كبير وأنه بيكون مش بيشارك وبيبقى في عصبية، بس ده شيء إيجابي أنك تقومه».

وزاد: «كهربا هو اللي في أيده يبقى موجود في الملعب، محتاجين نشوفه في أداءه وتركيزه ومستواه المعروف، مش عايزينه يمسك الفانلة ويسقف ويداعب الجمهور، من الآخر أنت لعيب كورة أساسي بتموت نفسك ونشوف الشخصية بتاعتك».

وأتم: «كهربا هيعاني الفترة اللي جاية في المشاركة ممكن يلاقي نفسه برا التشكيل كتير، ويلعب دقيقة والحكم يصفر ينهي المباراة، بس لما تيجي الفرصة لازم متبقاش مقموص وتكرر المشكلة تاني، ركز في تمرينك عشان لما تنزل الملعب تبقى واقف على رجلك».

وقال شحاته ان خطأ كهربا ليس مثل ما فعله نجوم الزمالك خارج البلاد وانا شايف ان الزمالك مزودها شوية انتم اخدتم عبدالله السعيد وناصر ماهر ابناء الاهلى ولم تقوم الدنيا وهو ما فعله الاهلى مع كهربا وامام عاشور