الاهلى هيرجع ريمة لعادتها القديمة يازمالك..اغرب ما قال سيد عبدالحفيظ عن تمرد جوميز وصفقات الزمالك وبطولة الدورى

علق سيد عبدالحفيظ، مدير الكرة السابق بالنادي الأهلي، عن شكل نادي الزمالك المتوقع في الموسم الجديد، قبل أن يستهل الفارس الأبيض أولى مبارياته في الدوري المصري الممتاز اليوم.

ويواجه فريق الزمالك نظيره البنك الأهلي في الجولة الأولى من مسابقة الدوري العام مساء اليوم الجمعة في تمام الساعة الثامنة على ملعب السلام.

وقال سيد عبدالحفيظ في تصريحات تليفزيونية عبر شاشة «إم بي سي مصر»: «جوزيه جوميز المدير الفني لنادي الزمالك، في المباريات الفاصلة والمواجهات الحاسمة مميز وبنسبة كبيرة بيكسب، ولكن الحاجات المستمرة لها حسابات مغايرة تمامًا».

وأضاف: «مباريات الدوري أنت بتلعب كل 4 أيام مباراة عايز عدد كبير من اللاعبين، ومحتاج اللي مستوى اللاعب اللي قاعد على دكة البدلاء زي الأساسي عشان موضوع الروتيشن وإراحة اللاعبين، وكمان في مباريات أن بتفتكرها سهلة وبتفاجئ أنها صعبة أثناء المباراة».

وأكمل مدير الكرة السابق بالنادي الأهلي: «كمان بيبقى عندك مباراة وعايز تريح لعيبة في المباراة اللي جاية، وعايز تريح اللعيبة وفي نفس الوقت تاخد الثلاث نقاط وده مش هيتوفرلك أبدًا لأنك لو خسرت ودخلت على مباراة مهمة هتبقى مضغوط، وهنا بنرجع لأهمية أن يبقى معاك قائمة قوية وبديل قوي في بداية الموسم».

وزاد: «أنا مش عارف هل جوميز طلب لاعبين ومجوش؟ لأن دايمًا في المباريات الأقل أهمية بيحب يعمل روتيشن وبيفاجئ بمستوى قوي من المنافس وبيفقد نقاط وبيتغط، وبعدين تقول عندي أمل في جوميز بالمباريات الكبيرة، فبترجع ريما لعادتها القديمة».

وأتم سيد عبدالحفيظ تصريحاته قائلًا: «لما تيجي على مباراة السوبر أمام الأهلي، هتلاقي أن دكة الأحمر أقوى بكتير، أة ممكن تعدي المباراة على خير ولكن متأمنش ده في الدوري، وخير دليل نتائج الزمالك الموسم الماضي، وحصل تدعيم في الأساسين بلاعبين أو تلاتة وده مش عدد كافي، ولكن خلينا نشوف التجربة».