كشف الإعلامي إبراهيم فايق، أخبار غير سعيدة، لجماهير النادي الأهلي، بشأن تقدم 3 أفراد من الجهاز الفني الأسبق للفريق الكروي الأول مع السويسري مارسيل كولر، بشكوى ضد القلعة الحمراء، في الاتحاد الدولي لكرة القدم “فيفا”.
وقال إبراهيم فايق في تصريحات عبر قناة “إم بي سي مصر 2”: “معانا أخبار قد تكون مش سعيدة لجمهور النادي الأهلي، فيه 3 من جهاز كولر (مساعد مدرب، مدرب أحمال، ومحلل أداء) ما اقتنعوش بمسألة التسوية واشتكوا في الفيفا النادي الأهلي”.
وأضاف: “المحامي بتاعهم هو مونتيري (محامي كولر السابق وخبير النادي الأهلي سابقاً)، والأهلي دلوقتي بيجهز رد كافٍي ووافٍي على الشكوى اللي وصلته من الفيفا”.
وتابع: “كولر نفسه وباقي المساعدين أمورهم خلصانة وتمام، لكن التلاتة دول لجأوا رسمياً للشكوى ضد الأهلي عشان يطالبوا بمستحقاتهم كاملة من وجهة نظرهم، والأهلي شايف إن ليهم مبالغ تانية خالص غير اللي بيطالبوا بيها، وعشان كده الموضوع وصل لساحات الفيفا”.
