حازم إمام يخرج عن شعوره بعد خسارة الزمالك

منذ ساعة واحدة

0 1 2 دقائق

خرج حازم إمام، نجم نادي الزمالك السابق، عن شعوره برسائل قوية إلى الجهاز الفني ولاعبي الفريق الكروي الأول بالقلعة البيضاء، بعد الخسارة أمام الاتحاد العاصمة الجزائري.

وخسر الزمالك ذهاب نهائي الكونفدرالية، أمام الفريق الجزائري، بهدف قاتل، في المباراة التي جمعت الفريقين مساء السبت، على ملعب الأخير.

وقال حازم إمام عبر قناة أون سبورت ماكس: "طبعاً السيناريو ده فرض نفسه على كل شيء الحقيقة، بس جيم كبير من كابتن معتمد، أنا شايف الزمالك لعب كويس. هارد لاك النتيجة لا تعبر عن الماتش خالص، مفيش ولا فرصة للفرقة التانية خالص".

وأضاف: "أول مرة أشوف نهائي الفرقة صاحبة الأرض مبتعملش - مع احترامي الشديد ليهم طبعاً - بس مفيش ولا فرصة، مفيش ولا هجمة خطيرة، كله عشوائي، حتى البلن اللي جالك كورة عشوائية جداً تعاملك معاه كان ساذج".

وتابع: "أنا واخد على الزمالك فكرة إن إنت بتخاف بغض النظر هتلعب مين، أنا ممكن أخاف فعلاً أعمل حساب فرقة، لكن لما أنزل على الملعب وأشوف الفرقة عادية، أقف على الكورة وأطلع بالهجمة".

وأردف: "من الشوط الأول كل حاجة تطفيش تطفيش تطفيش، مع إنك لما رحت بكورتين بس بتروح واحد على واحد وبتعدي، ليه بتخاف؟ إنت مش بتلاعب ميلان".

وأضاف: "عندك مساحات كتيرة جداً وعندك وقت على الكورة كتير جداً، ليه بتخاف وتطفش؟ الماتش كان في المتناول وإنت خايف ومش عارف تلعب لعبك".

وأوضح: "الواحد زعلان إن الفرقة كان ممكن تكسب والسيناريو يسهل عليك، أنا شايف إن الفرقة دي (اتحاد العاصمة) ما يخوفوناش، أنا كنت عامل حسابهم أكتر من كدة، إحنا دايماً المصريين كدة تلعب بره مصر الدماغ "أنا هدافع بس" متسيستمة".

واختتم: "أنا بصراحة متضايق جداً لأن ماتش كان ممكن سهل تجيب جون هناك.. ربنا يكرم في لقاء العودة