وجه أحمد جعفر، مهاجم الزمالك السابق، انتقادات حادة لمجلس إدارة القلعة البيضاء، على خلفية طريقة التعامل مع معتمد جمال، المدير الفني السابق للفريق الأول لكرة القدم، مؤكدًا أن ما حدث لا يليق بتاريخ النادي.
وكتب جعفر عبر حسابه الرسمي على موقع «فيسبوك»: «نرجع تاني للمشاكل بتاعتنا اللي مش بتخلص.. سؤال للسادة المسؤولين في نادي الزمالك، هل اللي حصل مع كابتن معتمد جمال ده طبيعي؟».
وأضاف: «الراجل فضل قاعد جنبكم أكتر من شهر ونص، وجاله عروض كتير، واستنى لحد الآخر، وبعد كل الصبر ده يمشي بالشكل ده؟».
وتابع لاعب الزمالك السابق: «حتى لو النادي مش محتاجه، كان أقل شيء يتقال له شكراً وكتر خيرك، ويتم تكريمه على الفترة اللي قضاها، زي ما بنشوف في كل مكان في العالم».
وانتقد جعفر آلية اتخاذ القرار داخل النادي، قائلًا: «للأسف محدش بياخد قرار في نادي الزمالك، لأن المسؤولين مش على ترابيزة واحدة، وده عمره ما ينجح أي منظومة لو مفيش وحدة في القرار».
واختتم تصريحاته بالتساؤل عن تأخر استعدادات الفريق للموسم الجديد، قائلاً: «هل فيه نادي في العالم لسه ما بدأش الإعداد للموسم الجديد؟ مش ممكن بجد.. ربنا يعين النادي على القرارات المتأخرة دي».
كأس العالم لكرة القدم 2026
من 11 يونيو إلى 19 يوليو
